13 шілде – Жалпыұлттық аза тұту күні

354
көрілім

Елімізде коронавирус пандемиясының құрбаны болған азаматтарды еске алуға байланысты бүгін - Жалпыұлттық аза тұту күні. Нұр-Сұлтан қаласы уақытымен сағат 12:00-де ел көлемінде бір минуттық үнсіздік жарияланады.

Елімізде қалыптасқан ахуалға байланысты халыққа үндеу жасаған ҚР Президенті Қасым-Жомарт Тоқаев 13 шілдені – Ұлттық аза тұту күні деп жариялайтыны туралы мәлімдеген еді. Тиісті өкімге Мемлекет басшысы келесі күні қол қойды.

– Әр азаматымыздың қазасы менің жүрегіме қатты батады. Мынау алапат індет арамыздан талай асылдарымызды жұлып әкетуде. Бүгінде қара жамылып отырған азаматтардың қайғыларына ортақтасып, көңіл айтамын. Сол үшін 13 шілдені – Ұлттық аза тұту күні деп жариялаймын. Бірақ, біздің күресіміз жалғаса береді, - деді Қасым-Жомарт Тоқаев өз үндеуінде.