Облыстық ономастикалық комиссия өңірдің бірнеше елді мекенін қайта атау жөнінде оң қорытынды шығарды.
Биыл облыстың біренеше елді мекені жаңа атауға ие болды. Атап айтсақ, Бородулиха ауданындағы Вознесеновка ауылы - Қызылтайға, ал Пролетарка ауылы - Ақшиге ауысты. Сондай-ақ, Ұлан ауданында көптен бері көпшіліктің көңілін күпті қылған 17 шақырым елді мекені бұдан былай "Сарыөзек" деп аталатын болды.
- Елді мекендердің жаңа атаулары әділет органдарында тіркеліп қойды, - дейді облыстық Тілдерді дамыту жөніндегі басқарманың басшысы Айдын Шаймарданов. - Бұдан бөлек республикалық ономастикалық комиссия Семей қаласындағы №1 Олимпиадалық резервтегі мамандандырылған балалар-жасөспірімдер спорт мектебіне Жақсылық Үшкемпіровтың есімін беру жөнінде оң шешім қабылдады.
Азамат ТЕМІРБЕКОВ