Бизнеске кедергі келтіргені үшін жауапкершілік күшейтілді

412
көрілім

Бүгін ШҚО бойынша сыбайлас жемқорлыққа қарсы қызметінің басшысы Ерлан Жалмағамбет Глубокое ауданына жұмыс сапарымен барды, деп хабарлайды Buqara.kz сайтының тілшісі.

Сапар барысында Глубокое ауданының әкімі Тамара Рахымжанованың, «Шығыс - Адалдық Алаңы» жобалық кеңсесінің басшысы Маржан Бахыт, өңірлік ақпараттық-ағартушылық штабының басшысы Арайлым Есімбекованың, әкімдік аппарат басшылығының, ZOOM режиміне қосылған ауданның 17 ауылдық округтері мен кенттері әкімдерінің, сондай-ақ БАҚ және аудан жұртшылығы өкілдерінің қатысуымен селекторлық кеңес өткізілді.

Кеңес барысында өңірдің Сыбайлас жемқорлыққа қарсы қызметінің басшысы, сыбайлас жемқорлыққа қарсы іс-қимыл шараларын күшейту бойынша жаңа заңнамалық өзгерістерді егжей-тегжейлі түсіндірді. Атап айтқанда, бірінші басшылардың қол астындағылардың сыбайлас жемқорлық үшін дербес жауапкершілігін енгізу, сыбайлас жемқорлық фактілері туралы хабарлағаны үшін азаматтарды көтермелеудің сараланған жүйесі, мемлекеттік қызметшілер мен олардың отбасыларына сыйлықтар алуға толық тыйым салуды енгізу, сыбайлас жемқорлық субъектілерінің құрамын кеңейту және пара бергені және парақорлыққа делдал болғаны, сондай-ақ кәсіпкерлік қызметке заңсыз араласқаны үшін жауапкершілікті қатаңдату туралы анық түсіндіріп берді.

– Қылмыстық кодекске кәсіпкерлердің жұмысына кедергі келтіргені үшін жауапкершілікті күшейтетін түзетулер енгізілді. Енді бизнеске араласқаны үшін сегіз жылға дейін бас бостандығынан айыру жазасы қарастырылған, - деді Ерлан Жалмағамбет.

Transparency Kazakhstan үкіметтік емес халықаралық ұйымы жүргізген Қазақстандағы сыбайлас жемқорлықтың жай - күйіне мониторинг нәтижелері бойынша кәсіпкерлердің - 48,1% өткен жылы облыста сыбайлас жемқорлықтың төмендегенін көрсетеді.

Қорытындылай келе, облыстың сыбайлас жемқорлыққа қарсы қызметінің басшысы барлығын заңсыз сыйақы төлеу немесе алу арқылы мәселелерді шешуге жол бермеу бойынша кең түсіндіру жұмыстарын жүргізуге шақырды.

Сондай-ақ Ерлан Жалмағамбет аудан әкімдігінің «ASHYQ AKIMDIK» сервистік орталығының жұмысымен танысты. Аталған сервистік әкімдік «Open space» форматында жұмыс істейді, сол арқылы мемлекеттік органның азаматтар үшін ашықтығын, есептілігі мен қолжетімділігін қамтамасыз етіледі.

Глубокое ауданы әкімінің аппаратына Белоусовка кентінде қызмет көрсетудің сервистік моделінде әкімдік ашу қажеттілігі бойынша ұсынымдар енгізілді.