13 шілдеден бастап Курчатов қаласындағы орта мектеп оқушылары туристік маршрут арқылы Ұлттық ядролық орталыққа барып көре алады.

Бұл «Рухани жаңғыру» жобалық кеңесі мен Ұлттық ядролық орталықтың және «Ядролық технологиялар саябағы» АҚ-ның бірлескен жобасы аясында мүмкін болып отыр. Жаңа туристік маршрут аясында оқушылар Қазақстандағы жалғыз термоядролық токамак қондырғысына, Семей ядролық полигонының мұражайына, сондай-ақ Курчатов қаласындағы тарихи нысандарға бара алады.

– Шілде айының 13-і мен тамыз айының 30-ы аралығында балаларды қабылдауға дайынбыз, – дейді Курчатов қаласының әкімі Алмас Оңдақанов, – Экскурсиялық сапар барысында оқушыларға отандық атом өнеркәсібінің жетістіктері туралы фильм де көрсетіледі. Бұл экскурсияның бағдарламасы ШҚО-дағы киелі орындардың жалпы тізіміне енгізілген.

Айбын АМАНГЕЛДІҰЛЫ