Көкпектіде 450 гектар жер және 40 тонна шөп жанып қыруар шығын келтірді, деп хабарлайды Бұқара.кз сайтының тілшісі ҚазАқпаратқа сілтеме жасап.

«14 қазан күні сағат 12:05-те өрт сөндіру қызметіне Биғаш ауылынан 20 шақырым жердегі Егіндібұлақ учаскесінде маяланған пішен мен жайылымдағы қураған шөптің өртенгені туралы хабар келіп түсті», - делінген хабарламада.

Өрт сөндірушілер мен еріктілердің шұғыл әрекетінің арқасында өрт 22:05-те ауыздықталды.

Қолда бар деректер бойынша 450 гектардың қураған шөбі пен 40 тонна маяланған пішен жанып кеткен.

Өртті сөндіруге облыстық ТЖД 7 қызметкері, 2 техникасы және ерікті өрт сөндіру құрылымдарының 20 жұмысшысы мен бір техникасы жұмылдырылған.