Жерлесіміз Данияр Қайсанов халықаралық күрес парақшасы дерегінше, қазіргі уақытта тәжірибесі толысқан еркін күрес шеберлері арасында үздіктер қатарында, деп хабарлайды Buqara.kz сайтының тілшісі.

Парақша мәліметінше, 74 келі салмақта Олимпиада ойындары кезінде 3-4 спортшы ғана нақты фаворит болса, бұл тізімнен көпшілік естімеген палуандар да орын алған. Нақты айтсақ, Азия, Еуропа, чемпиондары мен жүлдегерлері, сондай-ақ Олимпиада ойындары мен Әлем чемпионаттарында атой салған сақа спортшылар бар. Әлемдік рейтингіде 3-ші орынға жайғасқан Данияр Қайсанов бұл топтан ойып тұрып орын алған.

Сонымен аталған салмақта күні бүгінге дейін сәтті белдесіп жүрген спортшылар есімі төмендегідей: Тогрул Аскеров (Әзірбайжан, Олимпиада ойындарының жеңімпазы әрі күміс жүлдегері, Әлем чемпионатының күміс жүлдегері, екі дүркін Еуропа чемпионы); Джордан Барроуз (АҚШ, Олимпиада чемпионы, 4 дүркін Әлем чемпионы, 3 дүркін Әлем чемпионатының қола жүлдегері); Франк Чамизо (Италия, Олимпиада ойындарының қола жүлдегері, екі дүркін Әлем чемпионы, Әлем чемпионатының күміс және қола жүлдегері); Сонер Демирташ (Түркия, Олимпиада ойындарының қола жүлдегері, Әлем чемпионатының қола жүлдегері, үш дүркін Еуропа чемпионы, Еуропаның екі дүркін күміс, екі дүркін қола жүлдегері); Заурбек Сидаков (Ресей, екі дүркін Әлем чемпионы, Еуропа чемпионы); Магомедрасул Газимагомедов (Ресей, екі дүркін Әлем чемпионы, Еуропа чемпионы); Магомед Курбаналиев (Әлем чемпионы, қола жүлдегері, екі дүркін Еуропа чемпионы); Автандил Кенчадзе (Грузия, Әле м чемпионатының күміс жүлдегері, Еуропа чемпионатының үш дүркін қола жүлдегері); Бекзод Абдурахмонов (Өзбекстан, екі дүркін Әлем чемпионатының қола жүлдегері, төрт дүркін Азия чемпины); Данияр Қайсанов (Қазақстан, Әлем чемпионатының қола жүлдегері, екі дүркін Азия чемпионы, күміс және қола жүлдегері); Юки Фудзинами (Жапония, Әлем чемпионатының қола жүлдегері, Азия чемпионатының қола жүлдегері). Тізімге енбеген бірқатар спортшылар бар. Әйтсе де әлемдік деңгейде әзірге осы спортшылардың шоқтығы биік болып тұр.