Қазіргі уақытта Марқакөлге Зайсаннан тасымалданатын көмір сатылымға шыққан, деп хабарлайды Бұқара.кз сайтының тілшісі.
Бұл жайлы Күршім ауданының әкімі Дулат Қажанов өзінің әлеуметтік желідегі парақшасына жазды.
- Марқакөл ауылында аудандық мәслихат депутаттармен бірлесіп азаматтарды жеке мәселелері бойынша қабылдау өткіздік. Өмір бар жерде түйткілді мәселелер де қатар жүретіні белгілі. Қысқа дайындық барысындағы жем-шөп пен көмір, баспана мәселесін айтып келген азаматтардың бірқатарының проблемасы оң шешімін тапты. Қазіргі уақытта Марқакөлге Зайсаннан тасымалданатын көмір сатылымға шығарылды. Сондықтан ауыл халқын ертерек көмірлерін алып, қысқа қамдануға шақырамын, - дейді ол.
