Не себепті базалық зейнетақы тағайындалмады?

128
көрілім

- 2019 жылдың 14 қаңтарында 5 баламен 53 жасымда зейнеткерлікке шыққан едім. Балаларымның күтімімен жүргендіктен өмір бойғы жиған еңбек өтілім мардымсыз. Осыған байланысты болар, маған базалық зейнетақы тағайындалмады. Естуімше, еңбек өтілі 10 жылға толмайтын адамдарға ең төменгі күнкөріс деңгейінің 50 пайызы мөлшерінде базалық зейнетақы тағайындалуы тиіс көрінеді. Бұл сонда қарай болғаны? Не себепті маған базалық зейнетақы тағайындалмады?

Бақыт С, Тарбағатай ауданы, Құйған ауылы

Сіздің сұрағыңызға Еңбек, әлеуметтік қорғау және көші-қон комитетінің Шығыс Қазақстан облысы бойынша департаментінің басшысы Болат Сәтеков жауап берді:

"Қазақстан Республикасында зейнетақымен қамсыздандыру туралы" 2013 жылғы 21 маусымдағы №105-V заңының 11-бабы 3-тармағына сәйкес 2019 жылдың 16 қаңтарынан бастап аталған азаматшаға 5 және одан да көп баланы босанған, оларды сегіз жасқа дейін тәрбиелеген ана ретінде 53 жасында зейнетақы тағайындалған. Оның еңбек өтілі 1998 жылдың 1 қаңтарына дейін — 13 жыл 21 күнді құрайды", - дейді Болат Кәлімұлы.

Жауапты тұлғаның айтуынша, аталған заңның 4-бабына сәйкес, мемлекеттік базалық зейнетақы бірінші кезекте жасына байланысты зейнетақы төлемдері 2018 жылғы 1 шілдеге дейін тағайындалған және еңбек сіңірген жылдары үшін төленетін зейнетақы төлемдері 2016 жылғы 1 қаңтарға дейін тағайындалған, екіншіден заңның 11-бабының 1-тармағына сәйкес, зейнеткерлік жасқа толған жеке тұлғаларға берілетін көрінеді.

- Газет редакциясына жүгінген азаматшаға заңның 11-бабының 3-тармағына сәйкес, 5 және одан да көп балаға босанған, оларды сегіз жасқа дейін тәрбиелеген ана ретінде 2019 жылдың 16-шы қаңтарынан бастап, яғни 2018 жылдың 1 шілдесінен кейін тағайындалуы себепті мемлекеттік базалық зейнетақы төлемі тағайындалмаған.

Аталған азаматшаға заңның 11-бабының 1-тармағына сәйкес, жалпыға белгіленген зейнеткерлік жас, 63 жасқа жеткен кезде, 2029 жылдың 14 қаңтарынан бастап мемлекеттік базалық зейнетақы төлемін тағайындау құқығы туындайды.

Еңбек өтілі бойынша тағайындалатын базалық зейнетақы төлемінің мөлшері

(2018 жылғы ең төменгі күнкөріс мөлшеріне сәйкес есептелген)

Жұмыс өтілі

Төлемақы мөлшері (теңгемен)

Жұмыс өтілі

Төлемақы мөлшері (теңгемен)

10 жыл және оған дейін

16 037

22 жыл

23 165

11 жыл

16 631

23 жыл

23 759

12 жыл

17 225

24 жыл

24 353

13 жыл

17 819

25 жыл

24 947

14 жыл

18 413

26 жыл

25 541

15 жыл

19 007

27 жыл

26 135

16 жыл

19 601

28 жыл

26 729

17 жыл

20 195

29 жыл

27 323

18 жыл

20 789

30 жыл

27 917

19 жыл

21 383

31 жыл

28 511

20 жыл

21 977

32 жыл

29 105

21 жыл

22 571

33 жыл және одан жоғары

29 698