Келер жылы облыс орталығының Сәтпаев даңғылында жаңа ойын-сауық орталығы ашылып, қала тұрғындарының игілігіне жарамақ, деп хабарлайды Бұқара.кз сайтының тілшісі.

Құрылыс нысанына рұқсат Өскемен қаласы сәулет және құрылыс бөлімімен 2017 жылы алматылық "Сакота Корпорейшн" компаниясына берілген. Ойын-сауық орталығының нақты мекенжайы Сәтпаев даңғылы, 184 болмақ. Кешеннің аумағы он гектарды қамтиды.
– Бүгінгі таңда қалада 30 дан аса сауда үйлері бар. Бұдан басқы ағымдағы жылы "Globus" сауда үйі, "ADKRiver" сауда ойын-сауық орталығы, "Алем" сауда үйі маңында сауда орны және "Көкжал" гастрономы ашылмақ, – дейді қала әкімінің орынбасары Елена Литвинова.