ШҚО ПД есірткі бизнесіне қарсы күрес басқармасының қызметкерлері үйінде көп мөлшерде есірткі заттарын сақтаған 35 жастағы ер адамды ұстады, деп хабарлайды Buqara.kz тілшісі.
Жедел іздестіру шаралары барысында пәтерден қоңыр-жасыл өсімдіктерден тұратын қара полимер қапшық табылды.
- Сараптама қорытындысы бойынша, тәркіленген зат салмағы 1 келіден асатын кептірілген марихуана болып шықты. Аталған факті бойынша ҚР Қылмыстық Кодексі 266-бабы, 4-бөлігі бойынша сотқа дейінгі тергеу басталды, - деп хабарлады ШҚО ПД баспасөз қызметі.
