Өскемен қалалық полиция басқармасы Үлбі полиция бөлімінің криминалдық полиция бөлімшесі қызметкерлері есірткі қылмысын анықтады, деп хабарлайды Buqara.kz сайтының тілшісі.

31 жастағы қала тұрғынынан 50 граммға жуық марихуана тәркіленген.
- Ғарышкерлер көшесін патрульдеу кезінде тәртіп сақшылары қимылы күдік тудырған ер адамға назар аударды. Тәртіп сақшыларының назарына іліккенін білген ол жылдап басып, маңайда жасырынуға тырысты, - деді полицейлер.

Тінту нәтижесінде құқық қорғау органдары ұсталған адамнан өсімдік тектес заты бар полиэтилен пакет пен жасыл түсті заты бар қағаз түйіншек тәркіледі.

- Табылған заттар сараптамаға жіберілді. Жүргізілген сараптама қорытындысына сәйкес зерттеуге ұсынылған заттар жалпы салмағы 46,16 грамм кептірілген марихуана есірткісі болып шықты. Аталған факті бойынша қылмыстық кодекстің 296-бабы 2-бөлігіне (Есірткі, психотроптық заттармен заңсыз жұмыс істеу) сәйкес сотқа дейінгі тергеу амалдары жүргізілуде, - делінген мәліметте.