Өскеменде жанармай құю бекетіне қарақшылық шабуыл жасалды

755
көрілім
Сурет ШҚО ПД

Полицейлердің мәліметінше, ер адам бетперде киіп, ойыншық тапаншамен бекетке баса көктеп кірген, деп хабарлайды Buqara.kz сайтының тілшісі.

ШҚО полиция департаменті өкілдері оқиғаның мамырдың 30-ы күні болғанын жеткізді. Түнгі уақытта Грейдерная көшесіндегі жанармай құю станциясына бетперде киген ер адам шабуыл жасап, кассирді тапаншамен қорқытып, екі миллион теңгеден астам қаражатты алып кеткен.

- Жедел уәкілдер күдіктіні бірден қолға түсіріп, оның 40 жастағы облыс тұрғыны екенін анықтады. Күдікті жымқырған ақша оның көлігінен табылған. Ал тапанша ойыншық болып шықты, - дейді полиция департаментінің баспасөз қызметіндегілер.

Күдікті ер адам сот санкциясымен қамауға алынды. ҚР Қылмыстық кодексінің 192-бабы 3-бөлігіне сәйкес (қарақшылық) ісі сараланады.