«Май» АҚ зауыты қайта жөндеуден өткізіледі. Жөндеу жұмыстары аяқталғаннан кейін жақын маңдағы аудандарда жағымсыз иіс жоғалады деп күтілуде, деп хабарлайды Бұқара.кз сайтының тілшісі.

– Өндіріс жұмысын уақытша тоқтататын боламыз, – деп хабарлады «Май» АҚ бас-инженері Владимир Молчанов. – Қандай қондырғылар жаңартылып, қандай жөндеу жұмыстары жүргізілетіндігі алдағы уақытта белгілі болады.

Естеріңізге сала кетсек, экологиялық қауіпсіздік орталығы осыған дейін 2018 жылдың мамыр-маусым айларында май зауыты жаңа қондырғылармен толығатынын хабарлаған еді. Заманауи қондырғылар Кемежай аудан мен Красин кентіндегі үнемі сезілетін май қышқылының өткір иісін болдырмайды. Кәсіпорын жоспарларын жүзеге асыруды бастап кетті.