Шығыс Қазақстан облысы Қытайда өтетін «ЭКСПО» көрмесіне атом электр станцияларына арналған урандық таблеткаларды ұсынбақ, деп хабарлайды Buqara.kz сайтының тілшісі.

Осы жайлы ШҚО әкімі Даниал Ахметов халыққа есеп беру барысында айтты.

– Бұл дайын өнім ядролық реакторларға арналған отын сияқты болады. Осындай өнім өңірде бұрын өндірілмеген. Бұған дейін Шығыс Қазақстан аумағында тек шикізат өндіріліп, көрші елдерге жіберілетін, - деді аймақ басшысы.

Осылайша, Ғылыми-зерттеу және тәжірибелік-конструкторлық жұмыстар бағдарламасының және кәсіпорындардың жоғары технологиялық жабдықтарының арқасында Қытайда өтетін «ЭКСПО» көрмесінде АЭС-ке арналған урандық таблеткалар ұсынылмақ.