Атлантикалық циклон еліміздің басым бөлігіне әсер етуіне байланысты жаңбыр мен қар жауады, деп хабарлайды Buqara.kz сайтының тілшісі «Қазгидрометке» сілтеме жасап.
Республиканың басым бөлігінде көктайғақ болып, жел күшейеді, оңтүстікте - шаңды дауыл соғады деп күтіледі.
Ақмола облысында бұрқасын мен көктайғақ болады, жел қарқыны - 15-20 м/с, солтүстікте, шығыста екпіні 23-28 м/с жетуі ықтимал.
Солтүстік Қазақстан облысының басым бөлігінде бұрқасын, облыстың солтүстігінде, шығысында, көктайғақ болады деп болжануда.
 Шығыс Қазақстан облысының күндіз солтүстігінде, батысында жаяу бұрқасын соғып, көктайғақ күтіледі, солтүстігінде, батысында жел 15-20, күндіз екпіні 25 м/с жетуі ықтимал.