ШҚО-да күздің алғашқы айы ашық әрі жылы болмақ

152
көрілім

Ұзақ мерзімді күн райына көңіл аударсақ, қыркүйек айы аймақ бойынша жаймашуақ болайын деп тұр, деп хабарлайды Бұқара.кз сайтының тілшісі.

Синоптиктердің болжауынша, алдағы аптада күннің ыстығы қайтады. Десе де қыркүйектің 1-і күні аспанды ала бұлт торлап, ауа температурасы 24 градусқа дейін ысиды.

Сонымен қатар айдың басында облыс бойынша болар-болмас жауын себелеп өтеді. Ал қыркүйектің 10-нан бастап аспан шайдай ашылып, ауа температурасы айтарлықтай жоғарылайды. Алғашқы жарты айда сынап бағанасы күндіз 20-22 градус жылылықты көрсетсе, түнде бұл көрсеткіш шамамен 10 градусқа дейін төмендейді.

Қыркүйектің екінші жартысында күндіз ауа температурасы 13-15 градусқа дейін төмендейді деп күтілуде. Түнде жерге шық түсіп, едәуір суытады. Нақтырақ айтсақ, сынап бағанасы 3-5 градус аралығында болмақ.

Бір ай ішінде күннің жарықтығы 1 сағат 49 минутқа қысқарады.