Қазақстанда өндірілген көкөніс Қытайға қажет. Аспанасты елі өңіріміздің агроөнеркәсіп кешенін дамытуға аз ақша бөліп жатқан жоқ. Енді ауылшаруашылығының жаңа жобасы Зайсан ауданында бастау алды.

26 қыркүйекте өткен инвест-форум барысында ШҚО әкімдігі мен "Синьсин" ауылшаруашылығы ғылыми-техникалық компаниясымен екі арада маусымдық емес көкөкністерді өсіретін сегізінші буындағы жылыжайлар салу жөнінде меморандум бектілді. Жоба бойынша онда жылына 379 мың көкөніс өндіру жоспарлануда. Қытайлықтар сондай-ақ сыйымдылығы үш мың тонналық көкөніс сақтайтын қойма салуды да көздеп отыр.

Облыс әкімі Даниал Ахметов әзірге қытайлық әріптестермен Бесқарағай ауданында жалпы сомасы 4 миллион АҚШ долларын құрайтын бірнеше жобаның іске асырылып жатқанын алға тартты. Зайсан қаласында әзірге кіші-гірім сыныптағы тракторлар мен ауыл шаруашылығы техникаларын құрастыратын шағын зауыт ашылды.

Ерлен ОСМАНОВ