Жарма ауданында сібір елігін атқан адам ұсталды

459
көрілім

Желтоқсан айының соңында Жарма аудандық полиция бөліміне заңсыз елік ату фактісі бойынша ақпарат түскен, деп хабарлайды Buqara.kz сайтының тілшісі.

Белгілі болғандай, тәртіп сақшылары кешкісін «Семей Орманы» РММ-мен бірлесіп, Қалбатау ауылы маңындағы ерекше қорғалатын табиғи аумақта патрульдеу барысында сібір елігін заңсыз атқан 53 жастағы Шемонаиха ауданының тұрғынын ұстаған.

- Оқиға орнынан шыққан жедел-тергеу тобы «Ranger» қарда жүру көлігін, 20 калибрлі «Сайга» мылтығы, 7,62 мм калибрлі «Browning» мылтығы, сондай-ақ бір еліктің етін тәркіледі. Келтірілген залал 2 000 000 теңгеден астам сомаға бағаланды, - делінген мәліметт.

Аталған факті бойынша ҚР ҚК-нің 337-бабы 4-бөлігіне сәйкес сотқа дейінгі тергеу басталды. Оның санкциясы 3 жылдан 6 жылға дейінгі мерзімге бас бостандығынан айыруды көздейді.