Жарма ауданында жылжымалы медициналық кешен жұмысын бастады

364
көрілім

Бұл туралы аудан басшысы Ахметқали Нұрғожин мәлімдеді, деп хабарлайды Buqara.kz сайтының тілшісі.

Өңірлік денсаулық сақтау жүйесін коронавирус инфекциясының жаңа толқынына дайындау аясында жуықта аудандық орталық ауруханаға жылжымалы медициналық кешен келді.

– Алыс-жақындағы ауыл тұрғындарын қамтуға бағытталған кешенмен танысып, мүмкіндіктерін көрдім. Мобильді диагностикалық медициналық кешен көшпелі жағдайда зерттеулердің кең спектрін жүргізуге мүмкіндік береді және медициналық бригадалар енді скрининг, тексеру және кәсіби тексеру жүргізу үшін шалғай елді мекендерге барып, сол жерде қажетті медициналық көмек көрсете алады. Арнайы автомобиль цифрлық жабдығы бар жеті кабинеттен тұрады. Бұл жалпы қабылдау кабинеті, жалпы тәжірибелік дәрігерінің аймағы, талдауларды қабылдау бөлімі, акушер-гинеколог, функционалдық және сәулелік диагностика кабинеттері, дәріхана пункті. ЖМК-де рентген және флюорографияға түсуге болатын қорғасын бөлмесі бар. Сонымен қатар кешен мүмкіндігі шектеулі жандарды қабылдау үшін пандус-жеделсатылармен жабдықталған, – дейді Ахметқали Ахашұлы.