Қараша айында Шығыс Қазақстандағы суқоймалар мен Ертіс өзенінде су көліктерінің қозғалысы тоқтатылады. Алғашқыда кеме жүзу Семей қаласы аймағында, сәл кейінірек суқоймалардың басқа бөліктерінде жабылмақ, деп хабарлайды газет тілшісі YK-News.kz сайтына сілтеме жасап.
"Қазақстан су жолдары" РМҚК-сі Жоғарғы Ертіс филиалы шегінде келесі учаскелерде кеме қозғалысының тоқтайтынын хабарлайды:
- Тұғыл айлағы — Құйған айлағы — 3 қарашадан бастап;
- Құйған айлағы — Бұқтырма ГЭС-і — 7 қарашадан бастап;
- Бұқтырма ГЭС-і — Өскемен ГЭС-і — 7 қарашадан бастап;
- Өскемен ГЭС-і — Төменгі Лопатинский қайраңы — 5 қарашадан бастап;
- Төменгі Лопатинский қайраңы — Төменгі Азово қайраңы — 5 қарашадан бастап;
- Төменгі Азово қайраңы — Шүлбі ГЭС-і — 5 қарашадан бастап.
Естеріңізге салсақ, біз бұған дейін Шүлбі ГЭС-і — Семей қаласы, Семей қаласы — Майтүбек учаскелерінің екінші қарашадан бастап жабылатыны жайында жазған болатынбыз.
Бұдан бөлек, 8 қарашадан бастап Бұқтырма және Өскемен шлюздері де өз жұмыстарын тоқтатады. Шүлбі шлюзі қорғаныс гидротехникалық нысанының салынуына орай қазіргі уақытта жабық.
Ерлен ОСМАНОВ