Жұлдыз жорамал - Бұқара | ШҚО жаңалықтары

2 - 8 қараша аралығына арналған жұлдыз-жорамал

Mon, 02 Nov 2026 11:05:00 +0500

Тоқты
Кейбір Тоқтылар шешімді өз беттерімен қабылдауды жөн көреді. Осы әрекетіңізден сүйіктіңіздің сізден көңілі қалады. Жалғызбасты Тоқтыларға жуық арада екінші жартысын табу қиынға түседі, әйтсе де айналаға көз сала жүргеннің еш әбестігі жоқ.
Торпақ
Дос-жарандарыңызбен жақын қарым-қатынас сақтағыңыз келсе олардың әр айтқанына көңіл-күйіңізді түсірмей, көмек сұраса қолұшын беруге әзір жүріңіз. Сезім қылын бекіте түскіңіз келсе ұдайы шындықты айтуға дағдыланыңыз.
Егіздер
Осыған дейін бір көргеннен ғашық болу дегенге сенбеп пе едіңіз? Онда сондай жайт жуық арада басыңыздан өтуі ғажап емес. Жағымды эмоция мен мөлдір сезімнің ескегін есесіз.
Шаян
Қазір сүйіктіңізбен алыс жақтарға сапар шегіп, бойжазып қайтуға болады. Осы бастан жоспар құра бастаңыз. Бұл үшін үйдегі тізгін отағасына берілуі тиіс, себебі кей сәттерде маңызды шешім қабылдайтын солар.
Арыстан
Көптен бері тұрмыс құруды ойлап жүрген болсаңыз қандай адам талғамыңызға сай келетінін анықтап алыңыз. Өмірлік серігіңізді таңдауда асықпаған жөн. Бұл жерде Жұлдыздар алғаш көрген жанмен көңіл жарастыруды әбестік санайды.
Бикеш
Ескі таныстарыңызбен қарым-қатынасыңыз қандай? Бәлкім, солардың арасында жүрген шығар ғашығыңыз? Жалғызбасты Бикештерге көпшілік арасында немесе қоғамдық жерлерде жүрген дұрыс.
Таразы
Қазір сіз үшін мына қағида маңызды: шешім қабылдадың ба, артынан күмән келтірудің еш жөні жоқ. Ұжымда білгенін бөлісіп жүретін әріптесіңіздің бойынан кемшілік іздегенше, сенім артыңыз.
Сарышаян
Досыңызбен «менікі дұрыс, сенікі қате» деп арақатынасты анықтаудың қажеті жоқ. Осындай келеңсіздіктерді айналып өтуге тырысыңыз. Кейбір Сарышаяндар ұжымдағы жұмысын ысыра тұрып, тынығып алуды құп көреді.
Мерген
Қазір жаңа жоспар бекітіп, апта соңына қарай соны жүзеге асырудың қамын ойлаңыз. Жақындарыңыздан әлденені жасырып қалуды ойламаған да жөн. Шындықтың бір күні сыртқа шығатынын ескеріңіз.
Тауешкі
Маңызды тірліктерді біржақты етіп болған соң басқасын бастауға асықпаңыз. Аз уақытқа болса да демалыс қажет. Отау құрып, жеке өмірінде тұрақтылық орнаған Тауешкілерге өмірлік серігіне көп көңіл бөлгендері абзал.
Суқұйғыш
Дәл қазір некеге отыруға асықпаған жөн. Махабаттарыңыз баянды ма, әлде уақытша ма, осыны анықтау үшін уақыт қажет. Кейбір Суқұйғыштар сезім қылына қылқынып, сүйіктісімен қосыла алмай жаны қиналады. Сол үшін өмірлік серігіңізді таңдарда жүрек үніне құлақ тұрып, ұтымды шешім қабылдай білген жөн.
Балықтар
Бұрынғы ғашықтық сезімін қайта маздату үшін бар күшіңізді салыңыз. Бәлкім, жылдам әрекет етіп, дер кезінде қимылдай білсеңіз ұнатқан адамыңызбен қайта көңіл қосасыз. Қазір төзімділік пен көрегенділік танытатын кез.

26 қазан мен 1 қараша аралығына арналған жұлдыз-жорамал

Tue, 27 Oct 2026 10:10:00 +0500

Тоқты
Айдың басында жаңа достар табуыңыз мүмкін. Ісіңіз ілгерілеп, жеке шот ашып қойсаңыз алда табыс әкелуге жеткілікті болатындай ақша салуға қауқарлысыз. Ауыр жұмысқа араласудың қажеті жоқ, соңғы уақытта денсаулығыңызға мән бермей жүрсіз.
Торпақ
Спорт үйірмелеріне жазылып қойыңыз. Торпақтар үнемі сергек жүруді жөн санайды. Бірлесе істеген жұмыс қашан да нәтижесін береді, сондықтан ұжыммен тату болыңыз. Мол қаржыға кенелуіңіз өзіңіздің еңбекқорлығыңызға байланысты.
Егіздер
Үсті-үстіне қордаланып жатқан тапсырмаларды әріптестеріңізбен бөлісіп орындаңыз. Егер сәтсіздіктер бірінен соң бірі жалғасса мұны ырымға баламаңыз. Барлығы да уақыттың еншісінде, бастысы бағытыңыздан таймаңыз.
Шаян
Дүйсенбі мен бейсенбіде күніңіз қарбаласқа толы болмақ. Соның бел ортасында жүрген Шаяндар апта соңында шаршап, кей тапсырмаларға үлгермеулері мүмкін. Жұлдыздар қазір басшылықпен сөзге келмеуге кеңес береді.
Арыстан
Иммунитетіңіз әлсіреуі мүмкін, сол себепті қазірден бастап соны нығайтудың қамын ойлаңыз. Егер сырқаттанып қалсаңыз, қауырт тірлікті ысырып, жақсылап емделгеніңіз ләзім. Уақтылы тамақтануды да естен шығармаңыз.
Бикеш
Жұмыс жайлы ұсыныстар түссе жақсылап екшеп, жан-жақты ойластыруды қаперде ұстаңыз. Тіпті бұл тұрғыда дос-жарандарыңызбен кеңесу артықтық етпес. Қараша айының 1-і сіз үшін ерекше күн болғалы тұр.
Таразы
Мүмкіндігінше оңашада қалмаған жөн, қайта көпшілік баратын орындарға атізін салыңыз. Концерттер көріп, театрға барсаңыз рухани серпіліп қайтасыз. Кенет күрделі ойлар мазаласа оңаша қалып, өзіңізге есеп беріңіз.
Сарышаян
Апта басы тосын жаңалықтар мен тапсырмаларға толы болмақ. Мұндай қарбаласқа төтеп беру үшін қала сыртына шығып, тынығып алғаныңыз жөн. Сәрсенбі, бейсенбі күндері қаржылық қиындықтар туындауы ғажап емес.
Мерген
Мергендерге маңызды тапсырмаларды апта басында бірден еңсереді. Жаңа таныстық орнатасыз. Демалыс күндері арман аруыңызды жолықтырып, махаббат кемесіне мінуге мүмкіндігіңіз мол. Тек өзіңізге деген сенімділікті жоғалтпаңыз.
Тауешкі
Қызметіңізде басшылық ауысып, бірқатар өзгеріс болғалы тұр. Көптен бері көңіл бөле алмай жүрген отбасыңызбен табиғат аясына шығуға қолайлы кез. Қолыңыз тисе әдеби кітаптар оқуға тырысыңыз.
Суқұйғыш
Сүйіктіңізбен әлдененің байыбына бара алмай, сөзге келіп қаласыз. Әліптің артын бағып, сабырлы қалып танытыңыз. Жүйкеге салмақ түсірер жайттардан бойыңызды аулақ ұстаған жөн.
Балықтар
Түйіні тарқамаған мәселелер аз емес. Ұсақ-түйекке бола уайымдамауға тырысыңыз. Достарыңыз аяқ асты көмекке шақырып, қоңырау шалса бас тартпаңыз. Кез келген уақытта сіздің де олардан қолұшын сұрайтыныңыз ғажап емес.

19-25 қазан аралығына арналған жұлдыз-жорамал

Mon, 19 Oct 2026 10:30:00 +0500

Тоқты
Қаражат тұрғысынан ісіңіз ілгерілейтін сәт жақындап қалды. Табысты әрі қарай көбейту үшін қосымша ақша салсаңыз еш ұтылмайсыз. Бұл уақытты барынша жаңа таныстарыңызбен тіл табысуға арнаған жөн.
Торпақ
Өзіңізді дамытып, кәсіби біліктілігіңізді арттыратын кезең. Оны қолға алатын күнді Жұлдыздар қазан айының 22-сі деп бекітті. Еріншектікке жол бермесеңіз жұмыста біршама жетістікке жетуге мүмкіндік бар.
Егіздер
Күрделі жобалар мен тапсырмаларға бір өзіңіз кіріспеңіз. Әріптестеріңізбен қоян-қолтық жұмыс істесеңіз ортақ жеңістің ауылы алыс емес. Апта ортасында дәрігерлер кеңесіне жүгініңіз, ескі жарақаттар сыр бермесін.
Шаян
Ұжымда жұмыс көбейе түспек. Қордаланған шаруаның бел ортасына жетсеңіз демалысқа жол беруге болады. Жұлдыздар қазір басшылықпен сөзге келмеуге кеңес береді: сенімінен қағылуыңыз кәдік.
Арыстан
Күздің көңілсіз кескіні мен қауырт тірлігі әлсірете түсіретіндей. Сол себепті дәрумендер тұтынып, иммунитетіңізді нығайту қажет. Отбасында аз-маз келісіпеушіліктер болуы мүмкін, салқынқанды болыңыз.
Бикеш
Жан-жақтан жұмыс бойынша түрлі ұсыныстар түсуі мүмкін. Оған келіспес бұрын сондай өзгерістерге дайынсыз ба, жоқ па, жақсылап ойланған жөн. Қазан айының 25-і сіз үшін ерекше күн болмақ.
Таразы
Үйде отырғаннан гөрі ел-жұртпен пікір алмасыңыз. Әралуан ойлар жаңа жоспар құруға негіз болады. Нәзік жандылармен әңгіме-дүкен құрсаңыз өмірге жаңаша көзқараспен қарауға мүмкіндік аласыз.
Сарышаян
Бұл апта жұмыста да, отбасы шеңберінде де қарбалас өтеді. Күш-қуат жинау үшін демалыс күндерін қала сыртында өткізген дұрыс. Уақ-уақ әмияныңызға қарап тұрмасаңыз аптаның алғашқы күні қаржылық жағдай шиеленісуі мүмкін.
Мерген
Қазір жалғызбасты Мергендердің айы оңынан туады. Басшылық жұмыстағы лауазымыңызды өсіріп, балаңыз әлдебір жетістікке жетуі мүмкін. Дегенмен қуанышыңызды көпке жария ете берудің теріс тұсын да ескеріңіз.
Тауешкі
Жұмыста қойылар талап күшеюі мүмкін. Өзіңізді үздік қырыңыздан көрсетсеңіз еңбегіңіз міндетті түрде бағаланбақ. Қолыңыз босап жатса, спортпен шұғылданып, отбасыңызбен серуенге шығып қайтыңыз.
Суқұйғыш
Апта бойғы тыныштықтан соң шаңырағыңызда жоқ жерден ұрыс-керіс шығып, екі оттың ортасында қаласыз. Мұндайда ешбір жаққа өтпегеніңіз дұрыс. Күйзеліске жол бермеңіз: күш-қуатыңызды едәуір азайтады.
Балықтар
Әр жерден қоңырау шалып, қарыз сұрап, мазалап жіберетін сәттер көбейеді. Маңызды тапсырмаларды мүлтіксіз орындау үшін ұсақ-түйек мәселелерге көз жұма қараңыз. Жұлдыздар эмоцияңызды сақтауға кеңес береді.

5 - 11 қазан аралығына арналған жұлдыз-жорамал

Mon, 05 Oct 2026 09:45:21 +0500

Тоқты
Қазір сізге эмоцияңызды сақтай білген жөн. Әсіресе жұмыста жүргенде сабыр суыңыз сарқылмасын. Апта басында романтикалық кездесу күтіп тұр. Барынша сақ болыңыз. Алғаш жолықтырған адамыңыз орта жолда қалдырып кетуі мүмкін.
Торпақ
Бірнеше аптадан бері кенедей жабысқан ұсақ-түйек шаруалардан қолыңыз босап, бас қатырар мәселелерден арыласыз. Ол үшін ешнәрсе істеудің де қажеті жоқ. Жеке өміріңіз жайлы ел-жұртқа тіс жара бермеңіз, себебі қуанышыңызды көре алмайтындар қаншама.
Егіздер
Апта соңында жұмыста оң өзгерістер болады. Ол күнге жету үшін көп еңбек сіңірдіңіз. Сондықтан бейнеттің зейнетін көруге қақыңыз бар. Қаржылық тұрғыда жағдайыңыз біршама жақсарады.
Шаян
Тағдырыңызға қатысты ауыз толтырып айтарлықтай өзгеріс болғалы тұр. Өміріңізде күтпеген жерден ескі таныстарыңыз пайда болып, сізден көмек сұрайды. Барлығыңың қас-қағым сәтте болғаны сонша, бас тартып үлгермейсіз.
Арыстан
Керегі жоқ заттардан арылудың мерзімі жетті. Мәселе пәтердегі тазалық жөнінде. Әзірге жұмыс жақты ойламаған жөн. Ол жақта бәрі орынша, айтарлықтай өзгерістер байқалмайды. Өз тарапыңызға айтылған сынды көтере алмауыңыз мүмкін.
Бикеш
Әзіл көтермейтін мінезіңіз аяғыңызға тұсау салуы мүмкін. Себебі ұжымға сіңе бастағаныңызда бастығыңыз әрнені бір қозап, сізбен аз-кем әзілдеспек болады. Осы кезде кей пікірлермен келіспей, көңіл-күйіңіз түсіп кетеді.
Таразы
Қазір сіз үшін қауырт шақ. Көп жағдайда үлгермей, кей жерлерге кешігіп қаласыз. Демалыс күндері жүрегіңіз қалаған нәрсемен айналысыңыз. Бала-шағаңызға көңіл бөлуді ұмытпаңыз.
Сарышаян
Басы бос нәзік жандылар жуықта сүйгенін жолықтырады. Айналаңызда жүрген ер-азаматтарға бір сәт көз тастаңыз. Солардың ішінде өзіңіз іздеген жан жүруі мүмкін. Туысқандарыңыз басына түскен істі айтып, көмек сұрайды.
Мерген
Қазір әуре-сарсаңға көп түсесіз. Сол тұрғыда абдырап, қам жеудің еш қажеті жоқ. Жұлдыздар бұл кезеңде ұшақпен сапар шекпеуге кеңес береді. Кейбір Сарышаяндар әлдеқайда тиімді қызметке ауысып қалулары кәдік.
Тауешкі
Киім ілетін шкафта тозығы жеткен киімдеріңіз болса тізімнен шығарыңыз. Оған қоса жаңа дүниелер сатып алатын уақыт жеткен сияқты, себебі айналаңызда көпшілігі басқан қадамыңызға көз тігеді.
Суқұйғыш
Жаңа қырыңызды ашуға достарыңыздың едәуір септігі тиеді. Ал қаражат мәселесіне келгенде таныстарыңызбен кеңесіп, жөн сұраудың еш реті жоқ. Қолда бар ақшаны ұсақ-түйекке емес, көзге көрінер нәрсеге жұмсаңыз.
Балықтар
Апта басында жалқаулық пен немқұрайлықты ұмытсаңыз еңбегіңіз еселеніп, қомақты қаржыға қол жеткізуіңіз мүмкін. Мәнсап жолында сөзсіз өрлейсіз. Жұлдыздар дүние-мүлікке қатысты қандай да бір айырбас жасамауға кеңес береді.

28 қыркүйек пен 4 қазан аралығына арналған жұлдыз-жорамал

Mon, 28 Sep 2026 10:30:26 +0500

Тоқты
Өз ортаңызда абыройыңыз артып, даңқыңыз аспандай түседі. Осы сәт ұзақ уақыт бойы жадыңызда берік сақталмақ. Той-тоймалақ пен түрлі жиындарға жиі шақырады. «Денсаулық үшін алып қоялық» деген тілектестік ниетпен небір ортада болып, жаңа достар табасыз.
Торпақ
Қазір аз-кем үзіліс жасап, өміріңізде не болып жатқанын бағамдау үшін жақсылап ойланып алғаныңыз жөн. Осы бастан қабылдаған шешіміңіз біраз дүниенің байыбына баруға сеп.
Егіздер
Уақыты келгенде өміріңіз гүлдене түсіп, қуанышты сәттер көбейеді. Алайда оған дейін жүріп өтетін жолыңызда сүрінбеуге тырысыңыз. Жұмысыңызда барлығы оңалады. Дос-жарандарыңыз бас қосып, апта соңына қарай сы йлық жасап қалулары мүмкін.
Шаян
Жер-жаһандағы тұрақтылық оң әсер етеді. Иә, қызық естілгенімен, сіз үшін алынбайтын қамал жоқ. Табысыңыз жоғарылап, соңғы уақытта өзгелер жетпеген жетістікке бір қадам жақындайсыз. Осыншама белсенділік танытуыңызға кейде өзіңіз де таң қаласыз.
Арыстан
Сөзден жеңілмей, қырын қараған кімге болсын қарсы уәж айтуға әзір тұрасыз. Апта ортасына қарай көпшілік алдына шығып, өз ұстанымыңызды қорғап, сын пікірлерге салмақты жауап қайтарасыз. Сөзіңізге құлақ асатындар көбейеді.
Бикеш
Сіз жақындарыңызды, жақындарыңыз сізді мақтан етеді. Бағалайды, жақсы көреді, құрметтері де ерекше. Ал достарыңыз отбасындағы тепе-теңдікті сақтау қабілетіңізге тәнті болады.
Таразы
Айналаңыздағы адамдар әр қимылыңызды бақылауда ұстап, үнемі сенімді қадам жасауыңыздың сырын сұрайды. Бір сәт жинақылық танытыңыз. Әлдекімдердің алып-қашпа әңгімелеріне құлақ асамын деп маңызды оқиғаларды жіберіп алмаңыз.
Сарышаян
Өміріңізде қандай өзгерістер болып жатқанын ұдайы бақылауда ұстаңыз. Тіпті жүрек соғысының жиілігі мен күнделікті аяқ алысыңызды назарға алыңыз. Ұжымда кикілжің болуы мүмкін. Барынша жеті рет өлшеп, бір рет кесіңіз.
Мерген
Сүйіктіңізге көптен бері айта алмай жүрген сырыңыздың бөгеуін ағытасыз. Қазір сіз үшін махаббат пен кедейшіліктің еш айырмашылығы жоқ. Неліктен? Екі жағдайда да адамгершіліктің ең биігінен көрінесіз.
Тауешкі
Соңғы уақытта әріптестеріңіздің арасында түсініспеушіліктер жиілеп, араша болуға тура келеді. Әйтсе де араша боламын деп аралары одан сайын ашылып кетпесін. Себебі олар оң мен солын сізден сұрайды.
Суқұйғыш
Басшылық еңбегіңізді елемей, тапсырманы үймелеуі мүмкін. Бұл үшін қатты қапаланудың қажеті жоқ. Себебі жалақыңыз азайғанымен басшыңыздың сізге деген құрметі мен сенімі төмендеген жоқ.
Балықтар
Жанұяңызда мереке көбейіп, ел назары сізге ауады. Қуаныш сезімін орынды жұмсаңыз, әйтпегенде сырт көздің сынай қарауы отырыс шырқының бұзылуына әкеліп соқпақ. Жұмысыңызда лауазымыңыз өсіп, әріптестеріңіздің сеніміне ие боласыз.

21 – 27 қыркүйек аралығына арналған жұлдыз-жорамал

Mon, 21 Sep 2026 10:50:14 +0500

Тоқты
Неге екені белгісіз, Тоқтылар осы аптада айналасындағыларды сынға алып, тырнақ астынан кір іздегілері келіп тұрады. Одан да жақсылық жасауға ұмтылыңыз. Жаныңыз жабырқай бастаса, сыртта серуендеп қайтқан жөн.

Торпақ
Осы уақытқа дейін жалғыз жүрсеңіз, онда жақын арада екінші жартыңызды жолықтыруға әзір болыңыз. Бәлкім ауылда, бәлкім қоғамдық жерде кездесесіз. Жұмысыңызда сақ болып, болмашы қателіктерге бой алдырып жүрмеңіз.

Егіздер
Есіңізде болсын, бақыт – тыныштықты қалайды. Сондықтан жеткен жетістіктеріңізді көпке жария етемін деудің еш қажеті жоқ. Сырт көзге мұндай жайттар мүлде ұнамайды. Көздері тиіп кетулері де мүмкін.

Шаян
Не істесеңіз де қадамыңыз нық болып, таңдау жасағанда сенімді болыңыз. Күз келе сырт келбетіңізге назар аударғаныңыз жөн. Ата-аналар тарапы бауыр еті баласының айтқанына құлақ түріп жатады.

Арыстан
Айыңыз оңынан туып, бірқатар белестерді бағындырудың сәті түседі. Бір шаруаны қолға алсаңыз, болмаса үйде жөндеу жұмыстарын жүргізгіңіз келсе шығармашылық шабыт сізді берекелі бастамаға жетелейді.

Бикеш
Ойламаған жерден пайдаға кенелуіңіз мүмкін. Қосымша табыс табуға ұсыныс айтса, бас тартпағаныңыз абзал. Екінші жартыңызды дауыс көтермеңіз. Оның сезімге беріктігін тексеремін деп жүрегіне жара салып алмаңыз.

Таразы
Жұмыстағы қиын мәселелер жүйкеңізге әсер етуі мүмкін. Көмек сұраудан еш қысылмаңыз, себебі жақындарыңыздың кеңесі сізге ауадай қажет. Уақытылы ұйықтап, дер кезінде демала біліңіз. Өйтпегенде ескі жарақаттарыңыз сыр беруі мүмкін.

Сарышаян
Соңғы уақытта сүйіктіңізге аз уақыт бөліп жүргеніңізді естен шығармаңыз. Ұнатқан адамыңызбен бірге дүкен аралап қайтсаңыз болады. Сырт келбетіңізге мән берсеңіз, өзге шаруаларды да өз деңгейінде атқарасыз.

Мерген
Күтпеген жерден бір жаңалық естіп, соған көңіл-күйіңіз айтарлықтай түсіп қалуы мүмкін. Қапаланбаңыз, бәріне «уақыт емші» деген. Көп уақытыңызды достарыңыздың арасында өткізіңіз.

Тауешкі
Қазір өз ортаңызда табан аудармай тер төгіп, белсене түссеңіз әріптестеріңіздің арасында беделіңіз артады. Тіпті жұмыстан кейін қалып, алдын ала жоспар құратын болсаңыз, ол сіздің биік белестерді бағындыру жолындағы сәтті қадамдарыңыз.

Суқұйғыш
Қауырт тірліктеріңізді аптаның соңына дейін тәмәмдап алғаныңыз дұрыс. Мұны кейінге қалдырсаңыз шаруаңыз шашетектен көбейеді. Сенбі, жексенбі күндері мейілінше жақсылап демалыңыз. Мәселен кешке қарай серуендеп келсеңіз құба-құп.

Балықтар
Әріптестеріңізбен бірнәрсеге келіспей жатсаңыз бір қадам да шегінбеңіз. Табандылық танытсаңыз кейін өзіңізге қандай да бір басымдық бермек. Туған-туыстарыңызды ренжітіп алып жүрмеңіз. Сізге айтуға қысылатын шығар, бірақ көмектесуге әзір болыңыз.

31 тамыз бен 6 қыркүйек аралығына арналған жұлдыз-жорамал

Mon, 31 Aug 2026 10:40:49 +0500

Тоқты

Қазіргі беймаза шақты елемей, қараны ақ, шөлді көл етерліктей байыпты сәтке тап болу үшін барынша белсенді болыңыз. Бірақ қаржы мәселесіне келгенде сол белсенділдікті ауыздықтай тұрғаныңыз дұрыс: оңды-солды шашпаған жөн.

Торпақ

Әлдеқандай өзгеріс жасауыңызға тура келеді. Қандай да бір жоспарды іске асырғыңыз келсе көп ойланбастан іске кіріскеніңіз абзал. Сүйгеніңізбен артық сөзге келмей, тату болғаныңыз ләзім: кейін тіл табысу қиын болмақ.

Егіздер

Жеке өміріңіздегі маңызды оқиғаларды өзгелерден жасырын ұстағаныңыз жөн, көпшілік қызғаныш білдіреді. Жұртты ұдайы дүрліктіріп, болмағанды болдыға ұластыратын өсек-аяңға жақын таныстарыңызды аулақта ұстаңыз.

Шаян

Кейбір жайттарды осы бастан жоспарлап, күн тәртібіңізге бекітіңіз. Апта соңында жұлдызнамаңыз сәйкес келетін ерек жанды жолықтырасыз. Қарбалас жұмыс болса еш қаймықпаңыз: барлығына үлгересіз.

Арыстан

Өміріңізге өң кіргендей. Нәзік жандыларға сәнді көйлек сатып алып, дүкен аралап қайтуларына болады. Қыркүйек айының 4-6 аралығында қатты қажеттілік туындаса да қарызға ақша алмаңыз.

Бикеш

Қазір бала-шағаңыз аз-кем еркелікке басып, жұмыстан шаршап келгеніңізде мазалап жібереді. Ұжымдағы әріптестеріңіз де қолұшын беруде қауқарсыз болмақ. Одан да бойыңыздағы жинақылықты бағдар етіңіз.

Таразы

Апта басында болған кикілжіңнен соң татуласу қиынға түседі. Былайша айтқанда, арба да сынып, өгіз де өлгендей. Алайда Таразылардың асыл қасиеттерінің бірі – адалдық, соның арқасында талай кедергіден сүрінбей өтесіз.

Сарышаян

Жоспарда болмаған сапарларға шығудан жасқанбаған жөн. Кәсіби тәжірибе мен қайталанбас эмоцияларға ие боласыз. Қыркүйектің алғашқы онкүндігі айтулы күндерді атап өтуге қолайлы.

Мерген

Жаңа таныстық орнатсаңыз әсіре сақ болыңыз: қазір алаяқтар да көбейе түскен. Аптаның екінші жартысында кейбір Мергендер өздерін жайсыз сезінулері мүмкін. Мейілінше дәрумені мол тағамдар тұтынуға тырысыңыз.

Тауешкі

Қазір ешәрсеге үлгермейсіз. Себебі бір мезетте бірнеше тапсырма қордаланып, шаруаңыз шаш етектен көбейеді. Мұндайда сыншылар да көбейіп, әр қимылыңыз талқыға түседі.

Суқұйғыш

Ақша еш күтпеген жерден келеді. Амал нешік, оны бірден жаратасыз. Алайда қалтам жұқарды деп еш қынжылмаңыз, апта соңында басшылықтың сыйақы жазып беруі ғажап емес. Демалыс күні табиғат аясына шығып қайтыңыз.

Балықтар

Отбасы мүшелері өзара түсініспей қалулары мүмкін. Қазір ұтымды қадам жасамасаңыз болмас. Кей нәрселер тікелей сіздің қатысуыңызбен шешілмек. Сондықтан жағдайды ушықтырмай, осы бастан татулықтың кілтін іздей беріңіз.

24 – 30 тамыз аралығына арналған жұлдыз-жорамал

Mon, 24 Aug 2026 09:05:00 +0500

Тоқты

Созбалаңға салынып кеткен шаруаларды тезірек шешу керек. Жақындарыңызға қарыз болсаңыз осы күндері қайтарып тастауға тырысыңыз. Жұмыс бабымен басқа жаққа іс-сапарларға шығуыңыз жиілеуі ықтимал.

Торпақ

Жұмыста қателіктерге бой алдыруыңыз, әріптестеріңіздің қолдауынан айырылып қалуыңыз мүмкін. Әлбетте, өз күшіңізге сенгеніңіз дұрыс, десе де айтылған ақыл-кеңестерге құлақ түрген де абзал.

Егіздер

Басшылық сіздің еңбекқорлығыңызды бағалап, қызмет бабында жоғарылайсыз. Алайда отбасында екінші сыңарыңызбен аздаған түсініспеушіліктер туындауы мүмкін. Сонда барынша сабырлық сақтауға тырысыңыз.

Шаян

Қызметіңізде жаңа міндеттер пайда болады. Бұл сіз ұмтылған белестерді бағындыруға бірден-бір мүмкіндік. Ойға алған қандай да бір жоспарларыңыз болса осы аптада іске асырыңыз.

Арыстан

Алдағы күндері басшылықпен жалақы мәселесіне қатысты сөйлескеніңіз жөн. Ұсақ-түйекке бола жүйкеңізді жұқартпай, ұрыс-керістен ада болғаныңыз дұрыс. Ескі махаббатыңызды жолықтырып қалуыңыз мүмкін.

Бикеш

Құжаттармен жұмыс істегенде қателеспеуге тырысыңыз. Әр тындырылған шараға қатысты өзіңізге есеп беріңіз. Осы аптада бизнеске қатысты жаңа жоба бастамаған жөн. Алға қойған жоспарларыңызды әріптестеріңізге айтпаңыз.

Таразы

Қазір ұзақ шешім қабылдайтын уақыт емес. Қызықты ұсыныстар түссе келісіміңізді берген дұрыс. Сізге көптеген жаңа мүмкіндіктер ашылды. Қазір түрлі өзгерістер жасауға таптырмас кезең. Әрдайым өзіңізге сенім артыңыз.

Сарышаян

Нар-тәуекелге бел буамын деп асыра сілтеп жібермеңіз. Ешқашан бір уақытта бірнеше шаруаны шешуге ұмтылмаған абзал. Одан да бар күшіңізді бір жұмысқа жұмсаған әлдеқайда тиімді.

Мерген

Бала-шағаңыз шыңға шығып, сізді қуанта түседі. Ал туған-туысқандарыңыз қиындық түссе көмек көрсетуге әзір. Бірақ ақша мәселесі мәз болмайды. Сондықтан қажетсіз шығындардан бас тартыңыз.

Тауешкі

Бұл күндері жұмыс қиындап, қатты шаршайсыз. Туыстарыңыз және әріптестеріңізбен қарым-қатынаста қиындықтар туындайды. Еңбекақысы жоғары жұмыс ұсынылса, мүмкіндікті жібермей бірден келісіңіз.

Суқұйғыш

Тамыр-таныстарыңыздың көп болуы біраз дүниені шешеді. Қандай да бір мәселе туындаса созылған көмек қолынан бас тартпаңыз. Екінші сыңарыңызға сыйлық алып беріп қуантып қойыңыз, ал басы бостар осы аптада ғашығын жолықтырады.

Балықтар

Жұмыста өзіңіздің іскерлік қасиеттеріңізді көрсетіңіз: шыдамдылық, сараптама жасай отырып ойлау, әр мәселенің мәнісіне үңіле білу. Егер сүйіктіңіз ауырып қалса, оған барынша назар аударып, қолдау білдіріңіз.

17 – 23 тамыз аралығына арналған жұлдыз-жорамал

Mon, 17 Aug 2026 09:45:00 +0500

Тоқты

Осы аптада Тоқтылар айрықша белсенді. Көмек сұраған кез келген жанға қолұшын беруге әзір. Қандай жағдай болсын, ең бастысы, сабыр сақтап, ішкі эмоцияңызды басқара біліңіз. Ақылсыздықтың соңы неге апарып соғатыны жадыңызда жүргей.

Торпақ

Апта ішінде отбасыңызда ұрыс-керіс шығуы мүмкін. Мәселенің бәрі өткен-кеткен жайттарға келіп тіреледі. Аптаның бірінші жартысы ұсақ-түйек әңгімемен өтсе, қалған күндері жағдай біршама тұрақталады.

Егіздер

Егіздердің сіркесі су көтермейді. Біреу жақ ашса болды, жүйкеңіз сыр бере бастайды. Сабыр сақтаңыз, бәрін де ақылмен шешуге болады. Тырнақ астынан кір іздеу жарамас. Аптаның екінші жартысында тамаша саяхаттар күтіп тұр.

Шаян

Қызметкерлер мен басшылық арасынан ала мысық жүгіріп өтуі мүмкін. Іссапарлар, кездесулер мен отырыстар біршама уақытыңызды алып жібереді. Оның үстіне достарыңыз бен туыстарыңыз жеке өміріңізге араласқысы келеді.

Арыстан

Арыстандар үшін көп дүние бірден өзгеріп жатқандай қабылдануы мүмкін. Сіз өжетсіз. Бірақ бұл мінезіңізді көпшілік жақтыра қоймайды. Не болса да ақылды әрі ұтымды шешім қабылдауды өмірлік ұстанымым деп біліңіз.

Бикеш

Белсенділігіңіз бен іскерлігіңіздің арқасында тамаша жетістіктерге жетесіз. Алайда Бикештердің кейбірі көптің пікіріне менсінбей қарап, өзімшілдікке салынуға әуес. Аптаның екінші жартысы шиеленісті өтейін деп тұр.

Таразы

Мол табысқа кенеліп, жаңа таныстарыңызбен іскерлік қарым- қатынас орнатуға қолайлы кезең. Тек шешім қабылдау кезінде асығыстыққа бармаңыз. Аптаның екінші жартысы қым-қуыт оқиғаларға толы болмақ.

Сарышаян

Бұл апта рухани жаңару мен шығармашылық белсенділіктің уақыты. Барлығын кейін ысырып тастап жаңадан бастауға деген құлшыныс туады. Бұныңыз дұрыс, дегенмен қырағылығыңызды жоғалтпай, ұтқыр әрекет жасай біліңіз.

Мерген

Әлдекім тосын жаңалық жеткізеді. Қатты таңданып жүрмеңіз, себебі бұл ақпаратты өзіңіз көптен бері естігіңіз келіп жүрген. Кейде оңаша қалғыңыз келеді, алайда мойныңызға артылған әлдеқандай жүк босаңсуға ырық бермейді.

Тауешкі

Тіршілікте кездесетін кейбір келеңсіздіктер өткенге талдау жасап, таразыдан өткізуге мәжбүрлейді. Бұл қиын болғанымен соңы жақсылыққа апармақ. Қалай десек те оңаша қалып бәрін де ой елегінен өткізіп сараптап алғаныңызды дұрыс деп ойлаймыз.

Суқұйғыш

Бұл апта қызықты оқиғағаларға толы болмақ. Есте қалар кездесулер, жаңа серіктес табу сынды әрекеттер сізге әркез құлшыныс береді. Сенбі-жексенбі күндері ең жақын деген адамдарыңызбен жүздесіп қайтыңыз.

Балықтар

Кез келген өзгерісті өзіңізден бастаңыз: ескі-құсқы заттарды лақтырып, жинақылық таныту қажет. Қаржы қиындығы туындауы мүмкін, ақшаны оңды-солды жұмсаудан аулақ болыңыз. Көңілдегі күдіктен арылып, батыл әрекет етіңіз.

10 – 16 тамыз аралығына арналған жұлдыз-жорамал

Mon, 10 Aug 2026 10:35:00 +0500

Тоқты

Басшылық жүктеген тапсырманы қазірден бастап атқарыңыз. Түптің-түбінде ойыңыз орындалатындығына сеніңіз. Қазіргі кез келген таныстықтың соңы албырт сезімге ұласуы мүмкін. Сол себепті айналаға бір сәт зер салыңыз.

Торпақ

Сізге қамқор болып, асты-үстіңізге түсетін жандарды бағалай біліңіз. Сынап емес, сыйлағандықтан солай істеп жүр. Шығармашылық саладағы Торпақтар басшылығына тың ұсыныстар білдірулері мүмкін.

Егіздер

Осы аптада бірқатар ұсақ-түйек мәселелер шығып қалады. Соншалықты қиын шаруа болмаса да сол үшін көңіл-күйіңіз түседі. Құрған жоспарыңыздың күл-талқаны шығып, иек артқан адамдарыңыз сізден теріс айналуы мүмкін.

Шаян

Жұлдыздар ешқандай құжатқа қол қоймауға кеңес беруде. Сізді алдап соғулары мүмкін. Жалғызбасты Шаяндар екінші жартысын табулары кәдік. Десе де ұзақ уақыт сезім қылын жалғап тұру мүмкін болмайды.

Арыстан

Ақшаға қатысты кез келген мәселе төңірегінде абай болыңыз. Ешкімге қарыз бермеңіз, өзіңіз де алмауға тырысыңыз. Таяу күндері махаббат кемесіне мініп, бақыттың кілтін табуыңыз ғажап емес.

Бикеш

Апта ортасында Бикештер күш-қуаты кеміп, өздерін әлсіреп жүргендей сезінеді. Емделемін деп шешсеңіз, оңаша қалып, жақсылап тыныққаныңыз жөн. Өйткені сізге еңбек демалысы іспетті аз уақытқа болсын бір үзіліс керек-ақ.

Таразы

Баяу болса да ағыс бойымен жүзіп, маңызды шешім қабылдаймын деп белсенбегеніңіз жөн. Бір нәрсені бастауға бекінсеңіз жақындарыңыз қолдау білдіруден жалықпайды. Апта ортасына қарай дүкен аралап, ұнатқан заттарыңызды сатып алыңыз.

Сарышаян

Біреу-міреумен ой бөлісуден іргеңізді аулақ салыңыз, түбі кедергі келтірмей қоймайды. Осы аптада сүйгендер арасында ұрыс-керіс шығып, аралары суып кетуі мүмкін. Алайда мұның барлығы уақытша нәрсе.

Мерген

Ерік-жігеріңізден аттап, құлқынның құлы болудың еш реті жоқ. Біріншіден, бұған өзіңіз де әзір емессіз. Екіншіден, бір жерден шалыс басып, жоспарыңыздың күлі көкке ұшса, тауыңыз шағылады.

Тауешкі

Әзірге өміріңізде қандай да бір жаңашылдық бола қоймайды. Бір есептен болмағаны да дұрыс. Ескі жараның аузын тырнап, өткенге көз жүгіртпей-ақ қойыңыз. Жұлдыздар жаңа жоспар құруға кеңес береді. Бастысы, сары уайымға салынудан ада болыңыз.

Суқұйғыш

Алдағы апта дау-дамайсыз өткелі тұр. Соған байланысты босаңсып, көңіліңіз ұдайы тыныштықты қалап тұрғандай болады. Әйтсе де тым бейқам болған да жарамас. Қазір арманыңызды ақиқатқа айналдыратын кез. Оған сіздің мүмкіндігіңіз жетіп тұр.

Балықтар

Кейбір Балықтар апта ортасына қарай томаға тұйық, жабырқау болып жүреді. Достарыңызбен қарым-қатынаста жүру, олардың пікірін тыңдау – өміріңіздегі қозғаушы күш сияқты. Қиындықта бір өзіңіз қалсаңыз тұңғиыққа батқандай боласыз.