Қала басшылығы майданда ерлікпен шайқасып, бүгінде талай адамға үлгі болып отырған Павел Альбоханы құттықтады, деп хабарлайды Buqara.kz сайтының тілшісі.

Қала тұрғындары оны аңыз адам деп атайды. Ерлігін әркез мақтан етеді.
— Бүгін біз Ұлы Отан соғысының құрметті ардагері Павел Прокофьевичті 101 жасқа толуымен шын жүректен құттықтадық. Оның өмір жолы қаламыздың ғана емес, бүкіл еліміздің тарихымен тығыз байланысты. Жастайынан-ақ ол өз өмірін Отанға қызмет етуге арнады. Майданда да, бейбіт өмірде де ерекше ерлік, еңбекқорлық пен туған жерге деген шексіз адалдық танытты, — делінген ақпаратта.
Павел Альбоха жай ғана батыр емес, көп адам үшін жеңімпаздар буынының тірі куәсі әрі өткен ұрпақпен тікелей байланыс символы. 
— Оның өмір жолы, төзімділігі мен рухани беріктігі — бәрімізге үлгі, шынайы шабыт көзі. Қадірлі ардагерге шын жүректен зор денсаулық, жан тыныштығы, жақындарының қамқорлығы мен бейбіт аспан астында ұзақ ғұмыр тілейміз! — деді әкімдік өкілдері.