Биылғы жылдың 1 қыркүйегіне дейін туристік маршруттың маңызды бөлігі — Осинов асуынан айналма жолдағы құрылыс жұмыстары толық аяқталады, деп хабарлайды Buqara.kz сайтының тілшісі.

Бұл туралы облыс әкімі Нұрымбет Сақтағанов туристік маусымға қатысты өткен кеңесте хабарлады.

Кеңес барысында жаңа жол пайдалануға берілгеннен кейін танымал «Думан» кафесінің орны өзгеруі мүмкін екені де айтылды. Мұндай шешім жол қауіпсіздігі мен туристердің жайлылығы үшін қабылданып отыр.

Сонымен қатар, алдағы уақытта ШҚО-дағы туристік трассалар бойында санитарлық-гигиеналық тораптар орнатылмақ. Облыс әкімі олардың тұрақты қызметін және тазалығын қамтамасыз етуді тапсырды.