Биыл кеншілер шаһарына 240 жыл толады. Осыған орай 5–6 маусым күндері шаһар тұрғындары мен қонақтары үшін ауқымды іс-шаралар ұйымдастырылады, деп хабарлайды Buqara.kz сайтының тілшісі.

Бағдарламада облыстың үздік ақындарының айтысы, «Ата-Мұра Ойындары» ұлттық ойындары, қазақша күрес, көкпар, бәйге, садақ ату, әуе шарымен көкке көтерілу, жүлделер ұтысы және мерекелік жәрмеңке болады. Сондай-ақ BAYANSULU, Анар Батырхан және KILIMANJARO SHOW қатысуымен концерт өтеді. Ал сағат 22:00-де отшашу болады.