Синоптиктердің ақпаратынша, аймақта ауа температурасы 37 градусқа дейін жоғарылайды, деп хабарлайды Buqara.kz сайтының тілшісі.

«Қазгидромет» РМК мәліметінше, елдің бірқатар өңірінде жаңбыр жауып, найзағай ойнайды. Кей жерлерде жел күшейіп, дауыл соғып, бұршақ жаууы мүмкін.
Аптаның басында шығыс мен орталықта жауын-шашынсыз ыстық ауа райы сақталады. Мамандардың болжамынша, Шығыс Қазақстанда күндіз сынап бағанасы 30-37 градус аралығында ауытқиды.