Достық үйі – қоғамдық келісім орталығында өңірдің талантты, бастамашыл әрі шығармашыл азаматтарын біріктірген облыстық «Шаңырақ» шығармашылық байқауының қорытындылау рәсімі өтті, деп хабарлайды Buqara.kz сайтының тілшісі. 

Іс-шара мерекелік көңіл күй сыйлаған жарқын концерттік бағдарламамен ашылды. Қатысушылар мен қонақтарға Достық үйі – қоғамдық келісім орталығы басшысының орынбасары, ШҚО Журналистер клубының өкілдері, «Қоғамдық келісім» РММ өкілдері және Достық үйінің креативті тобы құттықтау сөз сөйледі.​​ Өз сөздерінде спикерлер «Шаңырақ» байқауы шығармашылық әлеуетті дамытуға, мәдени әралуандылықты дәріптеуге, этносаралық келісімді нығайтуға және жалпыұлттық құндылықтарды насихаттауға ықпал ететін маңызды алаң екенін атап өтті. Сондай-ақ қазіргі креативті жобалар мен медиаконтенттің өзара құрмет, бірлік және қоғамдық келісім мәдениетін қалыптастырудағы рөліне ерекше назар аударылды. Спикерлер қатысушыларға белсенді азаматтық ұстанымы, таланты және мәдениет пен қоғамдық диалогты дамытуға қосқан үлесі үшін алғыс білдіріп, шығармашылық табыс пен жаңа жетістіктер тіледі.​​​​​​​​​​​​ 
Байқау барысында ұсынылған бейнероликтер көрерменнің ерекше қызығушылығын тудырып, қатысушылардың тың идеялары, креативті көзқарасы және жоғары шеберлігі айқын көрінді. Қазылар алқасы жеңімпаздарды анықтап жатқан уақытта қатысушылар мен қонақтарға Достық үйінің шығармашылық ұжымдары мен этномәдени бірлестіктері дайындаған вокалдық және би нөмірлері ұсынылды.​​​​ 
Байқау қорытындысы бойынша жүлделі орындар төмендегідей бөлінді:
I орын — Қасаинова Ару Наурызбекқызы;
II орын — Оспанова Алина Мұратқызы;
III орын — Плотникова Ирина Анатольевна және Мацковская Елена Юрьевна.
Барлық қатысушы сертификаттармен марапатталса, жеңімпаздарға ақшалай сыйлықтар табысталды. Ресми бөлімнен кейін фуршет ұйымдастырылып, қатысушылар, қазылар алқасының мүшелері мен шақырылған қонақтар бейресми жағдайда пікір алмасып, әсерлерімен бөлісіп, алдағы ынтымақтастықтың мүмкіндіктерін талқылады.