Қазір Республика алаңында орналасқан музыкалық субұрқақ техникалық себептерге байланысты уақытша жұмыс істемейді, деп хабарлайды Buqara.kz сайтының тілшісі.

Қалалық Тұрғын үй-коммуналдық шаруашылық бөлімі мәліметінше, жабдықты тексеру кезінде компьютерден сорғы жабдықтарына басқару сигналдарын жіберетін екі сигнал тақтасы істен шыққаны анықталды. Сондықтан субұрқақтың күндізгі және музыкалық режимдерде жұмыс істеуі уақытша тоқтатылды. 

Анықталғандай, функционалдылықты қалпына келтіру үшін ақаулы компоненттерді ауыстыру қажет. Қажетті сигнал тақталарын Қытайдағы өндіруші жеткізеді. Қазір олардың құны, өндірісі мен жеткізу мерзімдері анықталуда.

Қосалқы бөлшектер келген соң жөндеу жұмыстары мүмкіндігінше тезірек аяқталады. Сосын музыкалық субұрқақ толықтай жұмыс істей бастайды.