Жол апаты 2 шілдеде Бажов көшесіндегі теміржол өткелі жанында болды, деп хабарлайды Buqara.kz сайтының тілшісі.

Анықталғандай, Chevrolet Cobalt жүргізушісі мас күйінде көлік жүргізіп келе жатып, Chevrolet Cobalt және Chevrolet Nexia көліктерімен соқтығысқан.

ШҚО Полиция департаментінің баспасөз қызметі мәліметінше, апат салдарынан ешкім зардап шеккен жоқ.

Полиция департаментінің мәліметінше, құқық бұзушыға қатысты Әкімшілік құқық бұзушылық туралы кодекстің 608-бабының 3-бөлігі бойынша әкімшілік хаттама толтырылды. Хаттама процессуалдық шешім қабылдау үшін сотқа жіберіледі.