Жол жылы шеңберінде алты елдімекенде көшелерді орташа жөндеу бойынша жеті жоба жүзеге асырылды, деп хабарлайды Buqara.kz сайтының тілшісі. 

Анықталғандай, Глубокое ауданындағы елдімекендерде барлығы 221,3 шақырым жол бар. Аудан әкімдігінің мәліметінше, Белоусовка кенті мен Ушанов, Малоубинка, Винное ауылдарыы көшелерінде орташа жөндеу жұмыстары жүргізілді. Опытное поле, Ушанов ауылдары мен 226 разъездіне дейінгі кіреберіс жол жаңартылды. Жалпы 12,8 шақырым жолды жөндеуге 420 миллион теңге бөлінген. 
Сонымен қатар биыл «Ауыл – ел бесігі» жобасы аясында Кожохово және Веселовка ауылдарындағы жолды орташа жөндеуге 175 миллион теңге жұмсалған.