Қыстау Күршім ауылынан 15 шақырым жерде жол талғамайтын көлігі бұзылған бес адам көмек сұраған, деп хабарлайды Buqara.kz сайтының тілшісі.

Олар Starlink арқылы байланысқа шыққан. Көмекке «Трэкол» өтімділігі жоғары көлігімен шыққан құтқарушылар шамамен 100 шақырымды бағындырып жетті.

– Құтқарушылар автокөлікті Қыстау Күршім ауылына дейін сүйемелдеп жеткізді. Медициналық көмек ешкімге қажет болмады, – облыстық Төтенше жағдайлар департаменті өкілдері.