Қала әкімдігі ақпаратынша, шара Қазақстан халқының достығы мен келісімінің символына айналды, деп хабарлайды Buqara.kz сайтының тілшісі.

Бүгін Қазақстан халқы Ассамблеясының 30 жылдығына орай елордада және еліміздің өңірлерінде кең ауқымды «Бірлік жүгірісі» марафоны ұйымдастырылды. Риддер қаласының тұрғындары бұл бастаманы бірауыздан қолдап, бірлік пен салауатты өмір салтын дәріптейтін жарқын оқиғаның бір бөлігіне айналды.

Жүгіріске спорт қауымдастығының өкілдері, жастар ұйымдары мен этномәдени бірлестіктер белсене қатысты. Барлығы әр түрлі жастағы балалардан бастап зейнеткерлерге дейін 1000 — нан астам адам қатысты.

Ауқымды шара Қазақстан халқының достығы мен келісімінің символына айналды.