Бүгін Риддерде ұлттық рухты көтеретін дәстүрлі "Ата мұра" ұлттық ойындары өтіп жатыр, деп хабарлайды Buqara.kz сайтының тілшісі. 

Іс-шара қазақ халқының тарихи мәдениетін жаңғырту, салт-дәстүрін дәріптеу және жастар арасында ұлттық спорт түрлерін насихаттау мақсатында ұйымдастырылуда.

– Бүгін Риддер қаласында «Ата-мұра ойындарына» Оңтүстік, Солтүстік Қазақстаннан, Орал, Ұлытаудан азаматтар келіп, біздің жарысқа атсалысуда. Осындай іс-шараны ұйымдастырған Риддер қаласының әкімдігіне алғыс айтамын. Көкмайсада қазақтың кеудесін қағыстырып, түрлі спорттан бақ сынату үлкен мәртебе дер едім. Риддерде бұл ойын биыл алғаш рет өткізіліп жатыр. Осындай іс-шаралар ұлттық спорттың рухын көтереді, – дейді Риддер қаласының тұрғыны Еркебұлан Төреханов.

Ойындар аясында қазақ күресі, арқан тарту, бәйге және садақ ату сынды ұлттық спорт түрлерінен жарыс өтуде.