Кеншілер шаһарында “ASSEMBLY JASTAR LEADER CAMP” атты белсенді жастар мектебінің ашылуы өтті, деп хабарлайды Buqara.kz сайтының тілшісі.

Салтанатты шарада «Қазақстан халқы Ассамблеясы» республикалық жастар қозғалысының төрағасы Тимур Джумурбаев пен Қазақстан халқы Ассамблеясының ШҚО бойынша өкілдігінің төрағасы Равиль Юнусов мектепте өтетін бағдарламамен таныстырып, сәттілік тіледі.

- ASSEMBLY JASTAR LEADER CAMP белсенді жастар мектебі - өзін-өзі жетілдіруге, өзін-өзі тануға, еліміздің, оның ішінде Қазақстан халқы Ассамблеясының институтының дамуына үлес қосуға ұмтылатын жас ұрпақтың белсенді өкілдері үшін бірегей мүмкіндік, - деді Тимур Джумурбаев.