Глубокое кентінде кәріз құдығында жұмыстар жүргізу кезінде үш жұмысшы газдан уланды, деп хабарлайды Buqara.kz сайтының тілшісі. 

Анықталғандай, аудандық төтенше жағдайлар бөлімінің бастығы Константин Боровиков пен аудан әкімі аппаратының төтенше жағдайлар және азаматтық қорғау саласы бойынша бас маманы Темірлан Кеңесқанов оқиға орнына барып, құдықтан екі адамды шығарып алды. Тағы бір ер адам өздігінен сыртқа шығып, құтқарушыларды шақырды.
Зардап шеккендер аудандық ауруханаға жеткізілді.