Бүгін кенді қалада ауқымды қалалық сенбілік өтіп, оған 1300-нан астам тұрғын қатысты, деп хабарлайды Buqara.kz сайтының тілшісі.

Қала әкімдігі ақпаратынша, бір күнде 5 тоннадан астам қоқыс жиналды. Айтпақшы, сенбілік барысында мынадай қызық жағдай болған. Тазалық жүргізіп жүрген еріктілер алдынан бауырсақ ұстаған әже шығып, бәріне таратып берді.

– Ол «қаланы дамытуға осылай үлес қостым» деп ризашылығын білдірді. Бұл қызық жайт сенбілікке қатысушылардың көңілін көтеріп, әр істің басында ауызбіршілік тұруы тиіс екенін көрсетті, – делінген әкімдік ақпаратында.
Шараға қала жастары да белсенді түрде атсалысып, «Таза Қазақстан» бастамасын қолдау мақсатында флешмоб ұйымдастырды. Ортада жақсы көңіл-күй қалыптастырудың қамы.
Сондай-ақ қаланың футболшылары да игі бастамадан шет қалмай, алдымен футбол алаңын тазалап, кейін достық матчын өткізді.