45 жастағы Василий Моторинді іздеуге Ішкі істер министрлігі пәрмен берді, деп хабарлайды Buqara.kz сайтының тілшісі.

Ресми ақпарат Qamqor.gov.kz сайтында жарияланды. Ол жерде сот органдарынан қашып, жазасын өтеуден жалтарғандардың толық аты-жөні жазылған. Бірақ нақты нендей қылмыс жасағандары көрсетілмепті.
– Василий Моторин 1980 жылы, маусымның 17-сі күні туған. Қазақстан Республикасының азаматы, ұлты – орыс. Іздестіру ісі Шығыс Қазақстан аумағында тіркелді. Бастамашысы – ҚР ІІМ, – делінген мәліметте.
Қазір оны Өскемен қалалық полиция басқармасы өкілдері іздеп жатыр. 5 күн өтіп, әлі табылмаған көрінеді.

Фото: Nege.kz