Қазір әуежай автотұрағына кіреберіс жерде шлагбаум орнатылып жатыр, деп хабарлайды Buqara.kz сайтының тілшісі.

Алдын ала мәлімет бойынша, автокөліктер үшін алғашқы 15 минут тегін болады. Одан кейін сағаттық төлем енгізу жоспарланған. Бастапқы тариф сағатына 100 теңге көлемінде болуы мүмкін.
Төлем QR-код пен көлік нөмірі арқылы жүзеге асырылады деп күтілуде. Ал қоғамдық көліктер үшін әуежай аумағына кіру мен тұраққа қою тегін болады.
Әуежай басшылығы мәліметінше, бұл шаралар автотұрақ аумағындағы көлік кептелісін азайтып, тұрақ орындарын тиімді пайдалануға мүмкіндік береді.