Бүгін Қала күніне орай Достық үйінің алдында 90-шы жылдар стиліндегі ерекше фестиваль ұйымдастырылды, деп хабарлайды Buqara.kz сайтының тілшісі.

Мерекелік іс-шара аясында әр жылдың  мәдениеті, сәні, музыкасы мен киносы таныстырылып, келушілерге түрлі тақырыптық бағдарлама ұсынылды.

Өскемендіктердің ерекше қызығушылығы кеңестік кезеңде шығарылған көліктерге ауды. Олар фестивальдің сәнін келтірді. Фестивальдің қызығын келушілердің киім үлгісі де айшықтай түсті. Кейбірі 1990 және 2000-шы жылдардағы сән үлгісіне сай киініп, сол кезеңдердің танымал образдарын қайта жаңғыртты.

Кештің басты хэдлайнері ретінде танымаь эстрада жұлдызы Өктем Алтаев ән шырқады.

Айта кетейік, биыл бұл ретро-кеш төртінші рет өтуде.