Облыс орталығында жылыту маусымына дайындық қарқынды жүргізілуде, деп хабарлайды Buqara.kz сайтының тілшісі.

Бүгінде тұрғындарға қажетті 155 мың тонна көмірдің 90 мың тоннасы сатылды. Қазір қаладағы 6 қоймада 5265 тонна көмір бар. Тағы 40 вагон жолда. 
Жалпы, шаһарда шамамен 29 500 жеке үй бар, оның 24 500-і көмірмен жылытылады.
Қалалық тұрғын үй-коммуналдық шаруашылық бөлімі басшысының орынбасары Рашид Шерубаевтың айтуынша, қара отынның бағасы тоннасына 17 700-ден 18 000 теңгеге дейін сатылуда. Әлеуметтік осал топтар үшін тоннасы 17 200-ден 17 500 теңгеге дейінгі субсидияланған отын қолжетімді.
Көмір жеткізуге әлеуметтік тариф те қолданылады. Бұл қызметті пайдалану үшін тұрғындар жергілікті әкімшілік орталықтарына хабарласуы керек.