Облыстық көпсалалы Онкология және хирургия орталығының қабылдау бөліміне ішкі қан кету диагнозымен науқас шұғыл түрде жеткізілді, деп хабарлайды Buqara.kz сайтының тілшісі.

Ота жасау кезінде хирургтар науқастың ішкі ағзалары зақымдалғанын анықтады.
– Хирургтердің, анестезиологтардың және реаниматологтардың кәсібилігі мен Қан орталығы қолдауының арқасында науқас аман қалды. Қазір жағдайы тұрақты. Жансақтау бөлімінен палатаға ауыстырылды. Біз науқасты тез жеткізгені үшін жедел жәрдем бригадаларына, сондай-ақ оларға жол берген жүргізушілерге алғысымызды білдіреміз. Төтенше жағдайларда әр минут маңызды, ал адам өмірі соған байланысты, – деп хабарлады орталық мамандары.