Бүгін «Өскемен - Самар» тасжолының 52-шақырымында Chevrolet Tracker автокөлігінің қатысуымен жол-көлік оқиғасы тіркелді, деп хабарлайды Buqara.kz сайтының тілшісі.

Алдын ала мәлімет бойынша, көлік Самар ауданының Палатцы ауылынан Өскемен қаласына қарай бет алған. Жолдың жаңа учаскесінде жол жиегі болмауына байланысты автокөлік оңға қарай ауытқып, апатқа ұшыраған.
– Көлік салонында бірнеше жолаушы болды. Зардап шеккендердің бірі оқиға орнында қалды, ал қалғандары жолай өткен көліктермен кетіп қалды, – деп бөлісті облыстық полиция департаменті өкілдері.
Қазір оқиға орнында жедел медициналық жәрдем бригадасы жұмыс істеп жатыр. ПА-426 экипажы қажетті шараларды жүргізуде.