«ҚазАвтоЖол» ұлттық компаниясы елдегі жолдардың қазіргі ахуалы туралы мәлімдеме жасады, деп хабарлайды Buqara.kz тілшісі KAZINFORM сайтына сілтеме жасап. 

Ұлттық компанияның мәліметінше, ауа райының нашарлауына байланысты республикалық маңызы бар келесі автожол учаскелерінде көлік қозғалысына уақытша шектелді:

Павлодар облысы

• «Астана – Шідерті – Павлодар – Успенка – РФ шекарасы» автожолындағы «Қалқаман» жолайрығы учаскесінде (Қалқаман кентіне кіреберіс пен Астана бағытына шығар жол) қозғалыс шектелген.

• «ҚХР шекарасы – Майқапшағай – Зайсан алналма жолы – Қалбатау – Семей – Павлодар – РФ шекарасы (Үрлітөбе БӨП)» автожолы, 520-587-шақырым (Аққулы кенті – Абай облысының шекарасы);

• осы автожолдың 583-733-шақырымы (Павлодар облысының шекарасы – Семей қаласы);

• «Қалқаман – Баянауыл – Үміткер – Ботақара» автожолы, 137-231-шақырым (Қарағанды облысының шекарасы — Баянауыл ауылы).

Қарағанды облысы

• «Қалқаман – Баянауыл – Үміткер – Ботақара» автожолы, 231-324-шақырым (Павлодар облысының шекарасы – Ботақара кенті).

Шығыс Қазақстан облысы

• «Өскемен – Риддер – РФ шекарасы» автожолы, 15-105-шақырым (Белоусовка ауылы – Риддер қаласы).

Сонымен қатар Осинов асуында тіркемесі бар және жартылай тіркемелі жүк көліктерінің қозғалысы уақытша шектелді. Шектеу «Өскемен – Алтай – Катонқарағай – Рахман қайнары» автожолының 46-66-шақырымындағы (Северное ауылы – Серебрянск қаласы) учаскесінде қыс аяқталғанша сақталады.

Еске салайық, Қазгидромет синоптиктері 19 ақпанда еліміздің бірнеше облысында 20 градусқа дейін аяз болатынын болжаған еді.