Ана мен бала орталығында компьютерлік томография (КТ) және магниттік-резонанстық томография (МРТ) зерттеулерінің сапасын арттыруға мүмкіндік беретін жаңа құрылғы пайдалануға берілді, деп хабарлайды Buqara.kz сайтының тілшісі.

Медициналық мекеменің мәліметінше, заманауи құрал-жабдық диагностикалық зерттеулер кезінде жоғары сапалы әрі егжей-тегжейлі кескіндер алуға мүмкіндік береді.
Құрылғы  барлық процесті өздігінен бақылайтын интеллектуалды басқару жүйесімен жабдықталған.
– Науқас үшін жабдықты дайындауға 15 секундтан аз уақыт кетеді. Ол үшін тек бір реттік түтікшені ауыстыру жеткілікті. Соның нәтижесінде зерттеу үдерісі бұрынғыдан да жылдам әрі қосымша ине салусыз жүргізіледі, – делінген орталық ақпаратында.