39 жастағы ер адам есірткі қолданып көлік жүргізгені үшін әкімшілік жауапкершілікке тартылды, деп хабарлайды Buqara.kz сайтының тілшісі.

Белгілі болғандай, патрульдік полиция қызметкерлері тексеріс жүргізу үшін KIA Optima маркалы көлігін тоқтатқан.
– Жүргізуші медициналық тексеруден өтті, оның каннабиноидтарды қолданып, мас болғаны расталды, - делінген ШҚО Полиция департаментінің ақпаратында. 
Сот ер адамды ҚР ӘҚБтК-нің тиісті бабы бойынша кінәлі деп тапты. Ол 15 тәулікке қамалып, жеті жылға көлік жүргізу құқығынан айырылды.