Республика күні қарсаңында «Казцинк» компаниясының қызметкерлеріне арналған 60 пәтерлі тұрғын үйдің кілттерін табыстау рәсімі өтті, деп хабарлайды Buqara.kz сайтының тілшісі.

Ынтымақтастық туралы меморандум аясында тұрғын үйдегі бес пәтер дәрігерлер мен медицина қызметкерлеріне өтеусіз негізде беріледі. Бұл бастама - күн сайын тұрғындардың денсаулығын сақтау жолында еңбек етіп жүрген медицина мамандарын қолдауға қосылған маңызды үлес.

Тұрғын үймен қамтамасыз ету – азаматтардың өмір сүру жағдайларын жақсартуға және қаланың дамуына өз еңбегімен үлес қосып жүрген мамандар үшін қолайлы орта қалыптастыруға бағытталған маңызды қадам.