Кеше өскемендік «Торпедо» командасы Қазақстан чемпионаты аясында қонақта «Алматы» ұжымына қарсы ойнады, деп хабарлайды Buqara.kz сайтының тілшісі.

Матч кезінде жігіттер қызуқандылыққа басып, бірнеше мәрте жұдырық сілтесіп үлгерді. Shaiba.kz парақшасындағы бейнежазбалардың бірінен Марат Сағымбаевтың «Алматы» клубының шабуылшысы Петр Яковлевке бірнеше соққы жұмсаған сәтін де көруге болады. Жалпы, ойын есебі 9:1 болып, өскемендік команда жеңісімен аяқталды.
Үш кезең бойынша «Торпедо» жігіттері қарсылас қақпасына 51 мәрте соққы жұмсаған. Қарсылас 19 соққымен жауап берді. Үш голды сан басымдығына болғанда соққан. 
Бүгін олармен кешкі сағат 19:30-да тағы бір ойын өткізеді. 

Фото: AIR Press