Шаһарда жылу электр орталығын кеңейтуге бағытталған үш жылдық жоба басталды. Жоба құны 140 млрд теңге, деп хабарлайды Buqara.kz сайтының тілшісі.

Облыс әкімдігінің баспасөз қызметі мәліметінше, жоба аясында электр қуаты 100 МВт болатын турбоагрегат пен сағатына 130 Гкал жылу өндіретін қазандық блогын орнату жоспарланған.
Жоба ЖЭО қуатын арттырып, қаланың жылу қажеттілігін өтеп, жаңа нысандарды орталықтандырылған жылу жүйесіне қосуға мүмкіндік береді.