Бұл туралы ШҚО әкімінің баспасөз қызметінде мәлім етті, деп хабарлайды Buqara.kz сайтының тілшісі.

Президент Жарлығымен «Қазақстанның еңбек сіңірген дәрігері» құрметті атағы Гүлфира Ахметзәкіроваға берілді. Ол - педиатр және Алтай ауданының құрметті азаматы.
– Құрметті Гүлфира Минуллақызы! Сізді «Қазақстанның еңбек сіңірген дәрігері» құрметті атағын алуыңызбен шын жүректен құттықтаймын! Бұл - сіздің медицина саласындағы көпжылдық адал еңбегіңіздің, кәсібилігіңіздің, адам өмірі мен денсаулығын қорғауға қосқан елеулі үлесіңіздің жоғары бағасы. Жарты ғасырға жуық уақыт бойы денсаулық сақтау саласында абыроймен жұмыс істеп, педиатрдан медициналық ұйымның басшысына дейін көтерілдіңіз, - деді облыс әкімі Нұрымбет Сақтағанов.