Бұл туралы қала әкімі Алмат Ақышов тұрғындармен кездесу барысында мәлім етті, деп хабарлайды Buqara.kz сайтының тілшісі.

Жоба бойынша аллея облыс орталығындағы екі ірі жоғары оқу орнының арасында орналасады. Әкімнің айтуынша, бұл аумақта студенттер көп болғанымен, серуендейтін орындар саны жеткіліксіз.
Кездесу барысында ұсынылған сызбаларға сәйкес жаңа аллеяда көгалдандырылған аймақтар, жасыл алаңдар, жаттығу құралдары мен балалар ойын алаңы орнатылады.
Аллея көпқабатты үйлердің маңында, автобус аялдамасына және Комендантка өзені арқылы өтетін көпірге жақын жерде ашылады.