Катонқарағай көшесінің тұрғындарының өтініші бойынша Алмат Ақышов оқиға орнына барып, үйлердің қазіргі жағдайымен танысты, деп хабарлайды Buqara.kz сайтының тілшісі.

Катонқарағай көшесінің тұрғыны Максим Моторин 26 ақпаннан бері үйінің қабырғаларында жарықтар пайда болғанын айтты. Оның сөзінше, көршілері де осындай жағдайға тап болды. 
Тұрғындардың айтуынша, мәселенің негізгі себебі коммуналдық қызметтегі апат, өйткені олар қоршаудың артында суға толы шұңқырды тапқан. 
- Үйлерді тексеріп, олардың қазіргі жағдайын бағалау қажет. Мен үйдің қабырғаларының тозғанын көріп тұрмын. Коммуналдық қызметте апат болғанын жазыңыз, жұмыс комиссиясы тез арада қорытынды шығарсын, - деді шаһар басшысы Алмат Ақышов. 
Ол тұрғындарды сәрсенбіде мәселені егжей-тегжейлі талқылау үшін жеке кездесуге шақырды. Сонымен қатар әкім тұрғындарға жаңа тұрғын үй алуға көмектесу мәселесін көтерді.
- Мәселені зерттеп, тұрғын үй нарығын қарап, нұсқалар ұсыныңыздар. Содан кейін бәрін бірге талқылаймыз, - деді ол.